موٹروے پشاور تا اسلام آباد ٹریفک کیلئے بحال

پشاور حدِ نگاہ میں بہتری آنے پر موٹروے ایم ون کو پشاور سے اسلام آباد تک ہر قسم کی ٹریفک کے لیے کھول دیا گیا ہے۔ ترجمان موٹروے پولیس کے مطابق دھند کے باعث موٹروے کو عارضی طور پر بند کیا گیا تھا، جس کا مقصد حادثات سے بچاؤ اور مسافروں کے جان و مال کا تحفظ یقینی بنانا تھا۔ ترجمان نے شہریوں سے اپیل کی ہے کہ دھند کے دوران سفر کرتے وقت فوگ لائٹس کا استعمال کریں اور رفتار ہر صورت کم رکھیں۔