ھنگو کسٹ کیمپس میں آج ایک پروقار اجتماعی شادی کی تقریب منعقد کی گئی، جس میں 53 جوڑوں کو رشتہ ازدواج میں منسلک کیا گیا۔ تقریب میں ڈپٹی کمشنر ھنگو گوہر زمان، اسسٹنٹ کمشنر اسفندیار، اور زکوٰۃ چیئرمین ابراہیم بنگش نے شرکت کی۔
ڈپٹی کمشنر نے 53 دلہنوں کو دو دو لاکھ روپے کے چیک بطور جہیز تقسیم کیے، تاکہ ان کی نئی زندگی کا آغاز بہتر ہو۔ یہ تقریب نہ صرف سماجی یکجہتی کی علامت بنی بلکہ معاشرتی ہم آہنگی کے فروغ میں اہم قدم ثابت ہوئی۔
