اورکزئی میں سیکورٹی فورسز کے تعاون سے 3 روزہ سپرلی میلے کا انعقاد کیا گیا ہے۔میلے میں کھیلوں کے مقابلوں کے علاوہ ثقافتی اور روایتی سٹالز بھی لگاۓ گئے ہیں
آئی جی ایف سی نارتھ میجر جنرل نور ولی خان نے سپرلی میلے میں بطور مہمان خصوصی شرکت کی اور مختلف سرگرمیوں کا مشاہدہ کیا۔آئی جی ایف سی نے مختلف کھیلوں میں نمایاں کارکردگی دکھانے والے کھلاڑیوں میں انعامات تقسیم کئے۔ حاضرین سے خطاب کرتے ہوئے مہمان خصوصی نے ان تمام محکموں کی کاوشوں کو سراہا جنہوں نے اس تقریب کو مقامی لوگوں کے ساتھ ساتھ سیاحوں کے لیے بھی یادگار بنایا۔آئی جی ایف سی نے ضلع اورکزئی میں سیاحت کے اعلیٰ امکانات اور متعلقہ محکموں کی جانب سے تعمیر کیے جانے والے انفراسٹرکچر پر روشنی ڈالی۔
میلے میں نوجوانوں اور بڑوں کے علاوہ بچوں کی بڑی تعداد میں شرکت نے میلے کو چار چاند لگا دئے۔علاقے کے لوگوں نے میلے کے انعقاد پر سیکورٹی فورسز کا شکریہ ادا کیا
آئی جی ایف سی(نارتھ) کی اورکزئی سپر لی میلے میں خصوصی شرکت
