خیبر پولیس شہداء کے بچوں کیلئے عمرہ کی شفاف قرعہ اندازی کا انعقاد

ضم اضلاع کی تاریخ میں پہلی بار خیبر کے شہداء کے بچوں کیلئے عمرہ کی شفاف قرعہ اندازی کا انعقاد کیا گیا۔ جس میں شہید سید کریم اور شہید راویل خان کے بچوں کے نام منتخب ہوئے۔ اس موقع پر دونوں شہداء کے اہل خانہ نے ڈسٹرکٹ پولیس آفیسر خیبر رائے مظہر اقبال سے ان کے دفتر میں ملاقات کی اور اس باوقار اور قابل تقلید اقدام پر دلی شکریہ ادا کیا۔ ڈی پی او رائے مظہر اقبال نے کہا کہ خیبر کی سرزمین نے ہمیشہ ایسے بہادر سپوت پیدا کیے ہیں جن پر پوری قوم کو فخر ہے۔ ہمارے شہداء کے بچے ہمارے لیے امانت ہیں، ان کی عزت، تعلیم و تربیت اور فلاح ہماری اولین ترجیح ہے۔ انہوں نے مزید کہا کہ خیبر پولیس، آئی جی خیبرپختونخوا کے ویژن کے مطابق، شہداء کے خاندانوں کی فلاح و بہبود کے لیے تمام ممکنہ وسائل بروئے کار لا رہی ہے۔ یہ صرف ہمارا فرض نہیں بلکہ اعزاز بھی ہے