اسلحہ لائسنس کے اجراء کیلئے بائیومیٹرک تصدیق کی سہولت متعارف

خیبرپختونخوا میں اسلحہ لائسنس کے اجراء کے عمل کو مزید شفاف اور مؤثر بنانے کیلئے صوبائی حکومت نے بائیومیٹرک تصدیق کی سہولت متعارف کرا دی ہے۔ اس سلسلے میں نادرا اور خیبرپختونخوا آئی ٹی بورڈ کے درمیان معاہدہ طے پاگیا ہے۔ جس کے تحت لائسنس کے درخواست گزاروں کو براہِ راست بائیومیٹرک ویریفیکیشن کی سہولت فراہم کی جائےگی۔ معاہدے پر دستخط خیبرپختونخوا انفارمیشن ٹیکنا لوجی بورڈ کے منیجنگ ڈائریکٹر ڈاکٹر محمد عاکف خان اور نادرا کے چیف پراجیکٹس آفیسر رحمان قمر نے کئے۔اس سلسلے میں ڈی جی نادرا خیبرپختونخوا خالد عنایت اللہ خان بھی اس موقع پر موجود تھے۔ اس اقدام سے اسلحہ لائسنس کے جاری کرنے کا نظام نہ صرف مزید تیز ہوگا بلکہ اس میں شفافیت بھی بڑھے گی۔