دیر کے مختلف علاقوں میں شدید بارش کیساتھ ژالہ باری

دیر میں رات گئے تیز بارش سے موسم سرد اور آلودگی کا خاتمہ ہوگیا۔ تفصیلات کے مطابق کمراٹ، جہاز بانڈہ اور دیگر بالائی علاقوں میں ہلکی برف باری ہوئی، بارش سے سردی کی شدت میں اضافہ کے ساتھ لوگوں نے گرم ملبوسات کا استعمال شروع کر دیا۔ مردان کی تحصیل رستم اور گردونواح میں تیز آندھی اور ہواؤں کے ساتھ بارش اور شدید ژالہ باری ہوئی۔ بارش سے فضائی آلودگی کا خاتمہ اور موسم سرد ہوگیا۔