جنوبی وزیرستان: پاک آرمی سولہ ایف ایف یونٹ کی جانب سے جنوبی وزیرستان تحصیل لدھا سپورٹس اسٹیڈیم میں انٹر تحصیل فٹبال ٹورنمنٹ منعقد کیا گیا ۔ٹورنمنٹ تیئس سے چھبیس جولائی تک جاری رہا۔فائنل میچ بادشاہ خان کلب شکئی اور نیو شاہین کلب کے درمیان کھیلا گیا ۔سنسنی خیز مقابلے کے بعد پینلٹی کک کے ذریعے یہ مقابلہ بادشاہ خان کلب نے اپنے نام کر لیا ۔فاتح ٹیم کو مقامی آرمی آفیسر نے نقد انعامات سے نوازا ۔اس موقع پر ان کا کہنا تھا کہ مسقبل میں بھی اس قسم کی سرگرمیاں منعقد کی جائیں گی ۔ان کا یہ بھی کہنا تھا کہ علاقے میں امن و امان کے قیام کے ساتھ ساتھ تعلیم اور صحت پر توجہ دے رہے ہیں.
