چیف ٹریفک آفیسر ہارون رشید خان کی ہدایت پر سٹی ٹریفک پولیس پشاور نے شہر کے مختلف علاقوں اور بازاروں میں نو پارکنگ زون کی خلاف ورزی روکنے کیلئے بورڈز لگا دیئے۔ سٹی ٹریفک پولیس پشاور کی جانب سے شہر میں ٹریفک کی روانی کو بلا تعطل یقینی بنانے کے لئے یہ قدم اٹھایا گیا۔
چیف ٹریفک آفیسر کا کہنا تھ کہ سٹی ٹریفک پولیس پشاور شہریوں کو سفری سہولیات کی فراہمی کیلئےکوشاں ہے۔ شہری نو پارکنگ زون کی خلاف ورزی کرنے سے گریز کریں۔ نو پارکنگ زون کی خلاف ورزی کرنے والوں کیخلاف قانون کے مطابق سخت کاروائی عمل میں لائی جائے۔ پلازوں میں پارکنگ نہ بنانے اور سڑک کنارے گاڑیاں کھڑی کرنے پر پلازہ مالکان کے خلاف قانون کے مطابق سخت کاروائی کی جائے۔
