شمالی وزیرستان دوسلی میں پھیلی ہوئی ہیضہ کی وبا پر کافی حد تک قابو پا لیا گیا ہے ۔
اب تک دن رات مسلسل سخت جدوجہد کے بعد بارہ دنوں میں اس ہیضہ سے متاثرہ 973 افراد کا علاج کیا جا چکا ہے ۔
اس سلسلے میں شمالی وزیرستان ہیلتھ ڈیپارٹمنٹ خصوصاً قائم مقام ڈی ایچ او ڈاکٹر شمس الرحمن ، ان کی ٹیم اور علاقے کی ایک غیر سرکاری تنظیم کلین دوسلی سوسائٹی کے کردار اور اقدامات قابل ستائش ہیں ۔
عوام کا کہنا ہے کہ اگر ہم ہر علاقائی مسئلے کیلئے اسی طرح دلجمعی اور خلوص سے مشترکہ جدوجہد کرکے کردار ادا کرتے رہے تو یقین سے کہا جا سکتا ہے کہ ہمارے رستے میں کوئی بھی مسئلہ حل کئے بغیر نہیں رہ سکے گا ۔
