شمالی وزیرستان کے نوجوان ہنر اور پیشہ ورانہ صلاحیتوں کے ساتھ ساتھ کھیلوں کے میدان میں بھی عالی شان مقام رکھتے ہیں ۔کرکٹ اور دیگر کھیلوں میں نوجوانوں کی دلچسپی اور ان کی مہارت اس کا منہ بولتا ثبوت ہے ۔
کھیلوں کے اس جذبے کو مزید اجاگر کرنے کے لئے پاک فوج کے زیر انتظام دوسلی کرکٹ گراؤنڈ میں میچ کروایا گیا ۔
میچ جی ایچ ایس دوسلی اور اسد خیل کے مابین کھیلا گیا ۔ میچ کے شرکاء میں شامل مشران ، اساتذہ اور طلباء خوب محظوظ ہوئے ۔
کھلاڑیوں کو سپورٹس کٹ اور انعامی رقم سے نوازا گیا ۔ قبائلی نوجوانوں نے پاک فوج کے اس اقدام کا بھرپور خیر مقدم کیا اور کاوشوں کو بے حد سراہا ۔
