افغانستان سے واپس آنے والے شمالی وزیرستان کے ٹی ڈی پیز کے لئے فنڈز فراہم

شمالی وزیرستان کے افغانستان سے حال ہی میں واپس انے والے متاثرین ضرب عضب کیلئے پی ڈی ایم اے خیبر پختونخواہ نے ساڑھے گیارہ کروڑ روپے کے فنڈز ریلیز کردئے جو کہ 28سو کے قریب نادرا سے تصدیق شدہ خاندانوں میں سم کارڈ کے ذریعے سے تقسیم کئے جا ئینگے۔ڈائریکٹر جنرل پی ڈی ایم اے شریف حسین کے دفتر سے جاری ایک اعلامئے کے مطابق افغانستان سے اب تک پانچ ہزار کے قریب شمالی وزیرستان کے بے گھر افراد کی واپسی ہو ئی ہے جن میں تین ہزار کے لگ بھگ خاندانوں کی نادرا سے تصدیق ہو چکی ہے جن کو فی خاندان کے حساب سے 12ہزار ماہوار مالی امداد جبکہ 8ہزار فی خاندان کے حساب سے راشن کی مد میں جاری کئے جا رہے ہیں۔ڈی جی پی ڈی ایم اے نے بتایا کہ افغانستان سے جو خاندان واپس ائے ہیں ان میں سے بقیہ خاندانوں کی بھی جلد تصدیق کا عمل مکمل ہو تے ہی ان کو بھی ماہوار امدادی رقوم ریلیز کی جا ئیگی۔ اعلامئے میں مزید کہا گیا ہے کہ اس سے ایک ہفتہ قبل بھی شمالی وزیرستان اور ضلع خیبر کے متائثرین کو اسی مد میں 32کروڑ کے قریب رقوم ریلیز کئے جا چکے ہیں جن کی ترسیل متعلقہ خاندانوں کو کی جا رہی ہے۔ شریف حسین نے بتایا کہ ان رقوم کی ریلیز کا مقصد بے گھر خاندانوں کی مالی مدد اور ان کے معاشی مشکلات کو کم کر نا ہے۔