ڈسٹرکٹ سپورٹس آفس ٹانک کے زیر اہتمام جیل میں قیدیوں کیلئے مقابلوں کا انعقاد

صوبائی حکومت خیبرپختونخوا  اور ریجنل سپورٹس آفیسر ڈی آئی خان کی ہدایت پر ڈسٹرکٹ سپورٹس آفس ٹانک کے زیر اہتمام سب جیل ٹانک میں مختلف کھیلوں کی سرگرمیاں (چھوٹے ایریا گیمز) کا انعقاد کیا گیا جس میں قیدیوں نے بڑے جوش و خروش سے حصہ لیا۔جس میں اسسٹنٹ کمشنر ٹانک امین اللہ خان نے بطور مہمان خصوصی شرکت کی اور قیدیوں میں کھیل کا سامان تقسیم کیا ۔اس موقع پر مختلف کھیلوں کے مقابلوں کا انعقاد کیا گیا۔جیتنے والوں کو ٹرافیاں اور نقد انعامات تقسیم کئے ۔ڈسٹرکٹ سپورٹس آفس ٹانک کی طرف سے قیدیوں کو کھیلوں کا سامان بھی فراہم کیا گیا۔ کھیلوں کا مقصد قیدیوں کو مثبت تفریح کا مواقع فراہم کرنا تھا۔